Портрет Сигизмунда II Августа

Во имя Божье станься. Иж всякие вчипки цнотливые, которые з обычаев людских походять и бывають в заховалостях их деланы, которые ж на знаимость звычаю вчинного часы своими явне ся оказують и верне а стале доконують, годно есть, абы слушне теж вчинности своей поживали и были бы ознаймены на писмах выложеные и потвержоные для ведомости потом пришлое людское, абы часу посполитого с памети не сходило. Прото мы, Жикгимонт Август, Божыо милостью король Польский, великий князь Литовский, Руский, Пруский, Жомойтский, Мазовецкий и иных. Чиним знаменито сим нашим листом, кому будеть потреб того ведати. Били нам чолом духовные и светские— владыка Володимерский и владыка Луцкий и князи, и панове, и земяне, и вся шляхта Волынское земли и покладали перед нами привилей короля его милости старшого и великого князя Жикгимонта, папа отца нашого, в котором пишеть, иж они клали перед его милостью отцом нашим листы деда нашого Казимира и дяди нашого Александра, славное памети королей их милости, на права и вольности свои